श्रावण पाऊस - SHRAVAN RAIN

श्रावण पाऊस        जुलै 1989

नागाच्या डौलात
मोराच्या तालात
पावसाची सर पडतेय ग
श्रावण नाचरा पडतोय ग ।। १ ।।

दुरच्या रानात 
कोकिळा सुरात
मल्हार सप्तात गातेय ग
श्रावण सुरीला पडतोय ग ।। २ ।।

पावसाच्या थेंबात
केळीच्या पानात
कान्हाचा पावा वाजतोय ग
श्रावण मनमोहन पडतोय ग ।। ३ ।।

कपिली गाई
बावरून जाई
तान्हुल्या वासरा शोधतेय ग
श्रावण लेकुरवाळा पडतोय ग ।। ४ ।।

सख्याच्या मनात
प्रियेच्या कानात
गालावर लाली चढतेय ग 
श्रावण सखा पडतोय ग ।। ५ ।।